මෙවර ඓතිහාසික මහනුවර ඇසළ පෙරහැර මංගලයේ කප් සිටුවීමේ චාරිත්‍රය අද (13) සිදුකෙරුණි. <br><br> අද පෙරවරු 6.17ට යෙදුණු සුබ මොහොතින් කප් සිටුවීම සිදුකෙරුණු බව අද දෙරණ වාර්තාකරු පැවසුවේය. <br><br> ඡායාරූප - කමල් සුරවීර

නීතිවිරෝධී මත්පැන් බෝතල් 200ක් සමඟ පුද්ගලයෙක්ව වලාන මධ්‍යම දූෂණ මර්දන ප්‍රහාරක ඒකකය විසින් අත්අඩංගුවට ගෙන තිබේ.

උතුරු මැද පළාතට බලපා ඇති පවතින යළි කාලගුණික තත්ත්වයත් සමඟ කලා වැවේ ජල මට්ටම ශීඝ්‍රයෙන් පහළ බැස තිබේ. <br><br> මේ හේතුවෙන් කලා වැව් පිටිය තුළ එකවර වනඅලින් 100ත් 150ත් අතර සංඛ්‍යාවක් නැරඹීමේ අවස්ථාව සංචාරකයින්ට මේ වනවිට උදාවී ඇති බව වනජීවී නිලධාරීහු පවසති. <br><br> දින කිහිපයක සිට කලා වැව ජාතික වනෝද්‍යානය වෙත පැමිණෙන දේශීය මෙන්ම විදේශීය සංචාරකයින්ට ද වනඅලි රංචු කිහිපයක්ම ඉතා ආසන්නයෙන් දැකබලා ගැනීමට හැකිවී තිබේ.

යුරෝපයේ පැවති දැවැන්තම රෙගේ සංගීත ප්‍රසංගයක් වන 'One Love Festival' පසුගිය සති අන්තයේදී ඔස්ට්‍රියාවේදී පැවැත්වුණි.

රුපියල් 40,000ක මුදලක් අල්ලස් වශයෙන් ඉල්ලා ලබාගැනීමේ චෝදනා මත ආලයඩිවෙම්බු ප්‍රාදේශීය සභාවේ සේවයේ නියුතු කාර්මික නිලධාරියෙකු අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබේ.

මාතලේ දිස්ත්‍රික්කයේ ලග්ගල ප්‍රදේශයේ පිහිටි කළු ගඟ ජලාශය මේ දිනවල පවතින වියළි කාළගුණය හමුවේ ජලය අඩුවෙමින් පවතී. <br><br> කළුගඟ ජලාශය ඉදිකිරීමේදි ඒ වෙනුවෙන් නිවාස, ඉඩම්, දේපල විශාල ප්‍රමාණයක් මහා ජල කඳට යටවූ අතර මෙලෙස ජලය අඩුවීමත් සමඟ ජලයට යටව තිබූ පැරණි පල්ලේගම ප්‍රදේශයේ නිවාස සහ දේපල ජලයෙන් උඩට මතුවෙමින් තිබෙන බව අද දෙරණ වාර්තාකරු පැවසීය.

වවුනියාව දිස්ත්‍රික්කයේ දරුවන් අධ්‍යයන පොදු සහතිකපත් උසස් පෙළ විභාගයට පෙනී සිටීම වෙනුවෙන් අද(10) උදෑසන විභාග මධ්‍යස්ථාන වෙත පැමිණෙන අයුරු දැක ගැනීමට හැකිවිය. <br><br> ඡායාරූප - මාධව කුලසූරිය

පුරාවස්තු සෙවීමේ අරමුණින් කැණීම් සිදුකළ පුද්ගලයකු දමන, බක්මිටියාව ප්‍රදේශයේදී අත්අඩංගුවට ගෙන තිබේ.

මාතර සිට හම්බන්තොට හරහා පොතුවිල් දක්වා වන මුහුදු ප්‍රදේශ ආශ්‍රිතව සුළඟේ වේගය විටින් විට පැයට කිලෝමීටර් 70ක් දක්වා වැඩි විය හැකි බැවින් එම මුහුදු ප්‍රදේශ රළු හෝ ඉතා රළු වීමේ වැඩි හැකියාවක් පවතින බව ධීවර හා ජලජ සම්පත් දෙපාර්තමේන්තුවෙන් හදිසි දැනුම්දීමක් සිදුකර තිබේ.

පවතින අයහපත් කාලගුණයද නොතකා 5 ශිෂ්‍යත්ව විභාගයට කදුකරයේ සිසු සිසුවියන් උද්යෝගයෙන් යුතුව අද (09) විභාග ශාලා වෙත පිවිසෙයි. <br><br> ඡායාරූප - හැටන් රංජිත්

අපරාධ හා මත්ද්‍රව්‍ය නිවාරණ මෙහෙයුම් මගින් දිවයින පුරා අපරාධවලට සම්බන්ධ සැකකරුවන් අත්අඩංගුවට ගැනීම සඳහා පොලීසිය විසින් ආරම්භ කර ඇති දෛනික සෝදිසි මෙහෙයුම් මගින් සැකකරුවන් 437ක් අත්අඩංගුවට ගත් බව පොලීසිය පවසයි.

පොළොන්නරුව දිස්ත්‍රික්කයට මේ දිනවල පවතින අධික වියළි කාලගුණික තත්ත්වය හේතුවෙන් මේ වනවිට එම ප්‍රදේශයේ කුඩා වැව් රැසක් සිඳී ගොස් තිබේ. <br><br> මැදිගිරියේ නිකහේන ගම්මානයේ නිකහේන වැව සිඳීයාමෙන් කුඹුරු අක්කර සීයයකට වැඩි ප්‍රමාණයක් මෙවර යල කන්නයේ අස්වැද්දු වී වගාව විනාශ වී ඇත. <br><br> එම නිසා එම ප්‍රදේශයේ ගොවීන් දැඩි අසරණ තත්ත්වයකට පත්ව සිටී. <br><br> ඡායාරූප- රසාංග

අඹගමුවේදී සැඩ පහරට හසු වූ ලංගම බස් රථය තරුණයින් පිරිසක් එක්ව බේරා ගෙන තිබේ. <br><br> නාවලපිටිය ප්‍රදේශයට ඊයේ (03) දින පස්වරුවේ ඇදහැලුණු අධික වර්ෂාවත් සමඟ ගිනිගත්හේන -නාවලපිටිය ප්‍රධාන මාර්ගයේ අඹගමුව ප්‍රදේශයේන් අඹගමුඔය පිටාර ගැලීම හේතුවෙන් එම මාර්ගය සම්පූර්ණයෙන්ම ජලයෙන් යටවුණි.

නාවික හමුදාව හා පොලීසිය එක්ව පසුගිය ජූලි 16 සිට සිදුකළ මෙහෙයුම්වලින් වින්ච් යන්ත්‍ර හා ට්‍රැක්ටර් භාවිතය ඇතුළු නීතිවිරෝධි ක්‍රම යොදාගෙන ධීවර කටයුතු සිදුකළ ධීවරයින් 36 දෙනෙකු නාවික හමුදා භාරයට ගෙන තිබේ.

ඉහළ කොත්මලේ ජල පෝෂක ප්‍රදේශවලට ඇඳහැළෙන අධික වර්ෂාවත් සමඟ සෙන් ක්ලෙයාර් සහ ඩෙවෝන් දිය ඇලිවල ද ජල ධාරිතාව ඉහළ ගොස් ඇති බව සඳහන් වෙයි. <br><br> ඡායාරූප -හැටන් රංජිත්

කල්ගත වූ ඉඩම් ගැටලුවලට විසඳුම් ලබාදීම සහ ප්‍රාදේශීය සංවර්ධනය වේගවත් කිරීම අරමුණු කරගනිමින්, ආරක්ෂක නියෝජ්‍ය අමාත්‍ය මේජර් ජෙනරල් අරුණ ජයසේකර (විශ්‍රාමික) මහතාගේ ප්‍රධානත්වයෙන් මුලතිව් ප්‍රාදේශීය ලේකම් කාර්යාලයේදී විශේෂ සිවිල් - හමුදා සම්බන්ධීකරණ සාකච්ඡාවක් පවත්වා තිබුණි.

මධ්‍යම කදුකරයේ බටහිර බෑවුම් ප්‍රදේශවලට තව දුරටත් අධික සුළං සමඟ තද වැසි ඇඳහැළෙමින් පවතී. <br><br> මේ හේතුවෙන් අද (02) හැටන් - තලවකැලේ ප්‍රධාන මාර්ගයේ ගසක්කඩා වැටීමෙන් ගමනා ගමනයට බාධා ඇති වී තිබුණි. <br><br> ඡායාරූප - හැටන් රංජිත්

රත්නපුර - ඇඹිලිපිටිය ප්‍රධාන මාර්ගයේ රත්නපුර පාලම ද්‍රෝන කැමරාවට දිස්වන ආකාරය 'අද දෙරණ' අප වාර්තාකරුගේ කැමරාවට හසුවී තිබුණි. <br><br> ඡායාරූප - ගයාන් කුඩාගම