ආදායම් ඉහළ නොයෑම සහ ජීවන වියදම් සීඝ්‍රයෙන් ඉහළ යෑම හේතුවෙන් බංග්ලාදේශයේ සමස්ත පවුල්වලින් සියයට 47.42ක් ණය බරින් මිරිකී සිටින බව බංග්ලාදේශ සංඛ්‍යාලේඛන කාර්යාංශය සිදුකළ විශේෂ සමීක්ෂණයකින් අනාවරණය වී ඇතැයි විදෙස් මාධ්‍ය වාර්තා කරයි.

සෞදි අරාබියේ පිහිටි සෞදි අරාම්කෝ (Saudi Aramco) සමාගමට අයත් ෂෙයිබා (Shaybah) තෙල් නිධිය ඉලක්ක කර ගනිමින් යේමනයේ හූති සන්නද්ධ කණ්ඩායම එල්ල කළ ඩ්‍රෝන ප්‍රහාරයක් ව්‍යර්ථ කිරීමට සෞදි ගුවන් ආරක්ෂක පද්ධති සමත්වී තිබේ.

මාලදිවයින වෙනුවෙන් ලබාදී තිබූ ඉන්දීය රුපියල් කෝටි 3,000ක මුදල් හුවමාරු පහසුකම නැවත දීර්ඝ කිරීමට ඉන්දීය රජය අනුමැතිය ලබාදී ඇති බව මාලදිවයිනේ පිහිටි ඉන්දීය මහ කොමසාරිස් කාර්යාලය නිවේදනය කරයි.

බෙලීස් රාජ්‍යයේ විදේශ අමාත්‍යවරයාට එරෙහිව චීනය විසින් පනවන ලද සම්බාධක සිදු නොකළ යුතුව තිබූ, සාධාරණීකරණය කළ නොහැකි, වැරදි සහ නීතිවිරෝධී පියවරක් බව බෙලීස් අග්‍රාමාත්‍ය John Briceño ප්‍රකාශ කරයි.

මියන්මාරයේ හමුදා පාලනය යටතේ රඳවා සිටින එරට ප්‍රජාතන්ත්‍රවාදී නායිකා 81 හැවිරිදි අවුන් සාන් සුකී වෙත බ්‍රිතාන්‍යයේ තෙවන චාල්ස් රජු විසින් පොත් දෙකක් සහ මුද්‍රා තැබූ ලිපියක් එවා ඇති බව මියන්මාර හමුදා රජය නිවේදනය කර තිබේ.

බොලිවුඩ් සිනමා නළු ටයිගර් ෂ්රොෆ් ඉලක්ක කර සිදුවූ බව කියන වෙඩි තැබීමේ සිද්ධිය සම්බන්ධයෙන් පුළුල් විමර්ශන සිදුකරන විමර්ශන අංශ විසින් තවත් තොරතුරු රැසක් අනාවරණ කරගෙන තිබේ.

2026 වසරේ මෙරට විවාහක රූ රැජින Mrs. Sri Lanka World 2026 කිරුළ දිනා ගැනීමට නිෂාදි ඒකනායක සමත්ව තිබේ.

උතුරු කොරියානු නායක කිම් ජොන් උන්ගේ ගිම්හාන නිවාඩු නිකේතනයට ආසන්න වොන්සන් වෙරළ තීරයෙන් ඔබ්බෙහි, මීටර 50 ක පිහිනුම් තටාකයකින් සහ ජලය මත ලිස්සා යාමේ පහසුකම්වලින් සමන්විත මීටර 80 ක දැවැන්ත සුඛෝපභෝගී යාත්‍රාවක් ඇතුළු සුඛෝපභෝගී යාත්‍රා කිහිපයක් සැරිසරන අයුරු ග්‍රහලෝක ඡායාරූප මඟින් අනාවරණය වී තිබේ.

දෙමළ සිනමාවේ ස්වර්ණමය යුගයක් නියෝජනය කළ ප්‍රවීණ සංගීත අධ්‍යක්ෂ දේවා මහතා අභවාප්‍රාප්ත වී තිබේ.

පියාසර කිරීමේ හැකියාවක් සහිත නව මෝටර් රථයක් ටෙස්ලා සමාගමේ ප්‍රධාන විධායක නිලධාරී එලොන් මස්ක් විසින් හඳුන්වා දී තිබේ.

පුරාවිද්‍යාඥයන් පවසන පරිදි ලොව පැරණිතම නැව් නටබුන් තුර්කි වෙරළ තීරයෙන් සොයාගෙන තිබේ.

මෙරට HIV ආසාදන ඉහළ යාමට පිරිමින් අතර සිදුවන අනාරක්ෂිත ලිංගික සබඳතා ප්‍රධාන හේතුවක් වී ඇති බව ලිංගාශ්‍රිත රෝග පිළිබඳ විශේෂඥ වෛද්‍ය නිමාලි ජයසූරිය මහත්මිය පවසයි.