සයුරෙන් එතෙර
සටන් විරාමය අවසන් වීමත් සමඟ රුසියාවට සහ යුක්‍රේනයට සයිබර් ප්‍රහාර
රුසියාවේ හදිසි අනතුරු ඇඟවීමේ යෙදුම "දැවැන්ත සයිබර් ප්‍රහාරයකට" ලක්ව ඇති බව රුසියාව පවසයි.
යුක්‍රේනය ද මීට පෙර හැකර් ප්‍රහාරයකට ලක් වූ බව වාර්තා වී පැය කිහිපයක් ඇතුළත මෙම ප්‍රහාරය එල්ල වී ඇති අතර, එය දෙරට අතර සිදුවූ සයිබර් ප්‍රහාර හුවමාරුවක් ලෙස සැලකේ.
දෙරට අතර පැවති දිගම සටන් විරාමය අවසන් වීමත් සමඟ මෙම තත්ත්වය උද්ගත වී තිබේ.
මොස්කව් හදිසි අවස්ථා අමාත්‍යාංශය සඳහන් කළේ, ඩ්‍රෝන ප්‍රහාර සහ වෙනත් තර්ජන පිළිබඳව මහජනතාවට පූර්ව අනතුරු ඇඟවීම් ලබාදීම සඳහා නිර්මාණය කර ඇති එම යෙදුම ඔස්සේ හැකර්වරුන් විසින් අසත්‍ය තොරතුරු පළ කර ඇති බවයි.
