බංග්ලාදේශ අර්බුද හමුවේ යුනුස් ධුරයෙන් යයිද ?

විවිධ චෝදනාවලට ලක්වී සිටින රජයේ නිලධාරීන් කෙටි විමර්ශනවලින් අනතුරුව සේවයෙන් පහ කිරීමට අවස්ථාව ලබාදෙන නියෝගයක් බංග්ලාදේශ අන්තර්වාර රජය පසුගියදා නිකුත් කළේය.

ඒ එරට පවතින නිලධාරිවාදය මර්දනය කිරීමේ අරමුණින් යුතුවය.

ඊට සමගාමීවම රජයේ දැඩි පියවරවලට එරෙහිව එරට නැවතත් විරෝධතා ආරම්භ වූයේ රජයේ සේවකයින්, ගුරුවරුන්, දේශපාලන පක්ෂ සහ හමුදා නිලධාරීන් ඇතුළු විශාල පිරිසකගේ සහභාගීත්වයෙනි.

බංග්ලාදේශ රජයට එරෙහි විරෝධතාවලට පෙරපාසල් ගුරුවරුන් ද සහාය පළකර තිබේ.

මේ අනුව වත්මන් මොහොමඩ් යුනුස් රජය දැඩි අසීරුතාවකට පත්වී සිටින අතර, පවතින අවදානම හමුවේ බංග්ලාදේශ නායකයා ධුරයෙන් ඉවත්වී යාමේ අවධානමක් පවතින බවද විදෙස් මාධ්‍ය වාර්තා කරයි.