එංගලන්තයෙන් නේපාලයට ලකුණු 185ක ඉලක්කයක්

විස්සයි20 ලෝක කුසලාන ක්‍රිකට් තරගාවලියේ 'C'කාණ්ඩය යටතේ නේපාලයට එරෙහිව පැවැත්වෙන තරගයේ කාසියේ වාසිය දිනා පළමුව පන්දුවට පහරදුන් එංගලන්තය පන්දුවාර 20 තුළදී කඩුලු 7ක් දැවී ලකුණු 184ක් රැස්කිරීමට සමත් විය.

ඒ අනුව නේපාල කණ්ඩායමට ලකුණු 185ක ජයග්‍රාහී ඉලක්කයක් හිමිවිය.

මෙම තරගය මුම්බායි වන්කඩේ ක්‍රීඩාංගණයේ දී පැවැත්වේ.

එංගලන්තය හා නේපාලය ජාත්‍යන්තර ක්‍රිකට් පිටියේ ඕනෑම ආකෘතියක් යටතේ හමුවන පළමු අවස්ථාව මෙයයි.