ඉන්දීය වෙඩිතැබීමකින් ත්‍රස්ත අණදෙන නිලධාරියෙකු මරුට

ඉන්දීය ආරක්ෂ අංශ විසින් අද (25) සිදුකළ මෙහෙයුමකින් ලෂ්කර්-ඊ-තායිබා (LeT) සංවිධානයේ ඉහළ පෙළේ අණදෙන නිලධාරියෙකු වන අල්තාෆ් ලලි වෙඩිතබා ඝාතනය කර ඇත.

ඉන්දීය මාධ්‍ය වාර්තා සඳහන් කර සිටියේ බන්ඩිපුරා හිදි සිදු වූ වෙඩි හුවමාරුවෙන් පොලිස් නිලධාරීන් දෙදෙනෙකු ද තුවාල ලබා ඇති බවයි. 

ඉකුත් අප්‍රේල් 22වනදා පුද්ගලයින් 26 දෙනෙකුට මරුකැඳවූ පහල්ගම් ප්‍රහාරයේ වගකීම මෙම ලෂ්කර්-ඊ-තායිබා සංවිධානය විසින් මේ වනවිට භාරගෙන තිබේ.

ඒ හේතුවෙන් එම සංවිධානයේ ත්‍රස්තවාදීන් සොයා ඉන්දීය ආරක්ෂක අංශ මේ වනවිට අඛණ්ඩ මෙහෙයුම් ආරම්භ කර ඇත.