ආරක්ෂක නියෝජ්‍ය ඇමති රණවිරු සෙවණ සුවතා නිකේතනයට
May 19, 2025 07:35 pm
රාගම “රණවිරු සෙවණ” සුවතා නිකේතනයේ නේවාසිකව ප්‍රතිකාර ලබන රණවිරුවන්ගේ සුවදුක් විමසා බැලීම සඳහා ආරක්ෂක නියෝජ්‍ය අමාත්‍ය අරුණ ජයසේකර මහතා අද (19) පෙරවරුවේ එක් විය.
නේවාසිකව ප්‍රතිකාර ලබන සෙබළුන් වෙත ගොස් ඔවුන්ගේ තොරතුරු විමසු නියෝජ්‍ය අමාත්‍යවරයා ඔවුන් සමඟ සුහද කතාබහකද නිරත විය.
මේ අතර නියෝජ්‍ය අමාත්‍ය අරුණ ජයසේකර මහතා “රණවිරු සෙවණ” සුවතා නිකේතනයෙහි සේවයේ නිරත වෛද්‍යවරුන් ප්‍රමුඛ කාර්ය මණ්ඩලය සමඟද කතාබහක නිරත වෙමින් රණවිරුවන් වෙනුවෙන් තවදුරටත් ලබා දිය හැකි වෛද්‍ය හා සේවා පහසුකම් සැපයීම පිළිබඳව සොයා බැලීය.
නාවික හමුදාපති වයිස් අද්මිරාල් කාංචන බානගොඩ, ගුවන් හමුදාපති එයාර් මාර්ෂල් වී.බී. එදිරිසිංහ යන මහත්වරු සහ “රණවිරු සෙවණ” සුවතා නිකේතනයේ සේනා විධායක බ්‍රිගේඩියර් ඩබ්ලිව්.ඩී.එම්. කුමාරසිංහ මහතා ඇතුළු ත්‍රිවිධ හමුදාවේ ජ්‍යෙෂ්ඨ නිලධාරිහු මෙම අවස්ථාවට එක්ව සිටියහ.
