රුපියල් ලක්ෂ 60ක මැණික් සිරුරේ සඟවා පැමිණි ගුවන් මගීන් දෙදෙනෙකු අල්ලයි
January 31, 2025 03:51 pm
රුපියල් ලක්ෂ හැටකට ආසන්න වටිනාකමකින් යුත් මැණික් තොගයක් කටුනායක ගුවන්තොටුපලින් පිට කරගෙන යමින් සිටි ශ්‍රී ලාංකික ගුවන් මගීන් දෙදෙනෙකු අද (31) උදෑසන කටුනායක ගුවන්තොටුපළ රේගු නිලධාරීන් පිරිසක් විසින් අත්අඩංගුවට ගෙන තිබේ.
මෙවුන් සිය ගුද මාර්ගයන් හී සඟවා මෙම මැණික් තොගය හරිත මාර්ගය ඔස්සේ යමින් සිටියදී රේගු නිලධාරීන් විසින් අත්අඩංගුවට ගෙන ඇත.
අත්අඩංගුවට ගත් දෙදෙනා බේරුවල ප්‍රදේශයේ පදිංචි මැණික් ව්‍යාපාරය හා සම්බන්ධ වෘත්තීන් හී නියැලි සිටින 45 හැවිරිදි සහ 46 හැදිවිරි වියේ පසුවන පුද්ගලයින් දෙදෙනෙකි.
ඔවුන් ඉන්දියාවේ නවදිල්ලි නුවර සිට ශ්‍රී ලංකන් ගුවන් යානයකින් කටුනායක ගුවන්තොටුපොළ වෙත පැමිණ තිබුණි
මෙහිදී කැරට් 300ක් බරැති පුෂ්පරාග සහ නිල්කුරුවින්ද වර්ගවල මැණික් ගල් 54ක් මොවුන් සතුව තිබී සොයා ගැනීමට රේගු නිලධාරීන් සමත් ව තිබේ.
සිද්ධිය පිළිබඳ වැඩිදුර විමර්ශන කටුනායක ගුවන්තොටුපොළ රේගු අධ්‍යක්ෂ තිළිණි පිරීස් මහත්මියගේ උපදෙස් මත ගුවන්තොටුපොළ නියෝජ්‍ය රේගු අධ්‍යක්ෂ රොහාන් ප්‍රනාන්දු මහතාගේ අධීක්ෂණය යටතේ සිදුකරති.
