සංචාරකයින් රැගත් වෑන් රථයක් ප්රපාතයකට පෙරළෙයි
July 26, 2023 11:41 am
වැල්ලවාය - කොස්ලන්ද ප්රධාන මාර්ගයේ කොස්ලන්ද පොලිස් බලප්රදේශයට අයත් හීවල්කදුර ප්රදේශයේ දී සංචාරකයන් රැගත් වෑන් රථයක් මාර්ගයෙන් ඉවතට පැන ප්රපාතයකට පෙරළී තිබේ.
අප වාර්තාකරු පැවසුවේ අද (26) උදෑසන එම අනතුර සිදුව ඇති බවය.
අනතුර සිදුවන අවස්ථාවේ දී වෑන් රථයේ රියදුරු සහ සංචාරකයන් සිව්දෙනෙකු ගමන් කර ඇති අතර අනතුරින් කිසිවෙකුටත් බරපතළ තුවාල සිදුව නොමැත.
වෑන් රථයට දැඩි අලාභ හානි සිදු වී ඇති අතර අනතුර සම්බන්ධයෙන් කොස්ලන්ද පොලිස් ස්ථානයේ නිලධාරීන් විසින් ඉදිරි විමර්ශන සිදුකරයි.