අම්බලන්ගොඩ පාසලක පරිගණක ඒකකය බිඳ ටැබ් යන්ත්ර දෙකක් සොරාගැනීම ඇතුළු චෝදනා කිහිපයක් යටතේ අම්බලන්ගොඩ පොලීසිය මගින් පුද්ගලයෙකු අත්අඩංගුවට ගෙන තිබේ.
සැකකරු, ගෙවල් බිඳීම් සහ මත්ද්රව්ය ළඟ තබා ගැනීම් ඇතුළු චෝදනා විස්සකට ආසන්න සංඛ්යාවකට රක්ෂිත බන්ධනාගාරගතව සිට මීට මාස දෙකකට පෙර ඇප මත නිදහස් වූ පුද්ගලයෙකි.
ඊයේ (16) උදෑසන අම්බලන්ගොඩ දලුක්කන්ද ප්රදේශයේදී සැකපිට ප්රශ්න කිරීමෙන් අනතුරුව අත්අඩංගුවට ගත් මෙම සැකකරු ළඟ තිබී රුපියල් ලක්ෂ හයක් වටිනා මත්කුඩු සහ නිවසකින් සොරාගන්නා ලද ගෑස් සිලින්ඩරයක් ද සොයාගෙන ඇත.
මත්ද්රව්ය සඳහා තදින්ම ඇබ්බැහි වී සිටින මෙම සැකකරු තම මත්ද්රව්ය අවශ්යතාව සපුරා ගැනීමට මුදල් සොයාගැනීමේ අරමුණින් මෙම සියලු සොරකම් සිදුකර ඇති බව අනාවරණය වී ඇත.
අම්බලන්ගොඩ සහ තවත් පොලිස් ස්ථාන කිහිපයකටම මොහු සම්බන්ධයෙන් ගෙවල් බිඳීම් හා සොරකම් කිරීම් පිළිබඳ පැමිණිලි ලැබී තිබූ අතර, මීට පෙරද අවස්ථා ගණනාවකදී රක්ෂිත බන්ධනාගාරගතව සිට ඇප මත පැමිණි අයෙකි.
සැකකරු බලපිටිය අධිකරණය වෙත ඉදිරිපත් කිරීමට නියමිතය.
