රජය විසින් ප්රතිපත්ති සකස් කරන්නේ වැරදි දත්ත මත බව විපක්ෂ නායක සජිත් ප්රේමදාස මහතා පවසයි.
විපක්ෂ නායකවරයා මේ බව පැවසුවේ අද (29) හම්බන්තොට තිස්සමහාරාමයේ පැවැති ගොවි හමුවක් අමතමිනි.
එහිදී විපක්ෂ නායකවරයා පැවසුවේ මෙරට ජනතාව ජීවත්වීම සඳහා අවශ්ය අවම ආදායම, වැටුප දුර්වල මට්ටමක ඇති බවය.
ජන හා සංඛ්යා ලේඛණ දෙපාර්තමේන්තුවේ වාර්තා අනුව එක් පුද්ගලයෙකුට දින 30ක් ජීවත්වීම සදහා රුපියල් 17,315ක් ප්රමාණවත් බව සඳහන් කෙරුණද එක් පුද්ගලයෙකු දින 30ක් මේ මුදලින් ජීවත්විය හැකිද යන්න ජනතාවගෙන් තමන් ප්රශ්න කරන බවද විපක්ෂ නායකවරයා සඳහන් කළේය.
ඒ අනුව මෙකී වැරදි දත්ත මත රජය සිය ප්රතිපත්ති සකස් කරන බවද විපක්ෂ නායකවරයා චෝදනා කළේය.
එහිදී විපක්ෂ නායකවරයා පැවසුවේ ජනතාව විඳින දුක් වේදනාවන් රජයට නොතේරන බවත් රටෙන් 30% - 40%ත් අතර ප්රමාණයක් දුප්පත් බවද ඔහු පැවසීය.
ඒ අනුව මෙම දුප්පත් ජන ප්රජාව ඉන් මුදවා ගැනීම සඳහා පැහැදිලි වැඩපිළිවෙලක් නොමැති බව පැවසූ විපක්ෂ නායකවරයා මේ වන විට අස්වැසුමට කප්පාදු කිරීමට රජය පියවර ගෙන ඇති බවද සඳහන් කළේය.
