ඉරාන ආර්ථිකය ඉලක්ක කරගනිමින් දැවැන්ත ආර්ථික මෙහෙයුමක් ආරම්භ කරන බව අමෙරිකානු ජනාධිපති ඩොනල්ඩ් ට්රම්ප් ප්රකාශ කර තිබේ.
ඒ අනුව, ඉරානයට ආධාර කරන හෝ එරට සමඟ ව්යාපාරික කටයුතුවල නිරත වන ඕනෑම රටකට "ප්රබල" දඬුවම් ලබා දෙන බවට ඔහු දැඩි ලෙස අනතුරු ඇඟවීම් සිදු කර ඇත.
Truth Social සමාජ මාධ්ය හරහා සටහනක් තබමින් ජනාධිපතිවරයා සඳහන් කර ඇත්තේ, මෙය මෙතෙක් රටකට එරෙහිව ක්රියාත්මක කළ "වඩාත්ම විනාශකාරී ආර්ථික මෙහෙයුම" වන බවය.
පෙර නොවූ විරූ පරිදි ආර්ථික යුද්ධයක් සහ හුදකලා කිරීමක් මෙමඟින් ක්රියාත්මක කරන බවද ඔහු වැඩිදුරටත් පෙන්වා දී තිබේ.
ඉරානයේ මූල්ය ආයතන, ව්යාපාර, ගුවන්තොටුපළ හෝ රජයේ ආයතන වෙත යම් ආකාරයක අවස්ථාවක් ලබා දීමට ඉඩ සලසන ඕනෑම රටක් බරපතළ ආර්ථික ප්රතිවිපාකවලට මුහුණ දෙනු ඇති බව ඔහු වැඩිදුරටත් පවසයි.
තෙල් ජාවාරම්, මුදල් හුවමාරු සහ ව්යාජ සමාගම් වැනි ක්රියාමාර්ග වහාම නැවැත්විය යුතු බව ජනපතිවරයා අවධාරණය කර ඇත.
මාස හයකට ආසන්න කාලයක් ගතවී ඇතත් දෙපාර්ශ්වය අතර පවතින යුරෝපීය හෝ හමුදාමය ගැටුම්වලට තවමත් නිසි විසඳුමක් ලැබී නොමැති පසුබිමක මෙම නව පියවර ගෙන තිබේ.
