උණුසුම් පුවත්
අග්බෝ ඇතු සෙවීම සඳහා විශේෂ හමුදා කණ්ඩායමක්
ආරක්ෂක අමාත්‍යාංශ ලේකම්වරයාගේ නියෝග මත අග්බෝ හස්තියා සෙවීම සඳහා විශේෂ හමුදා කණ්ඩායමක් පිටත්ව ගොස් ඇති බව පරිසර අමාත්‍යාංශය පවසයි.
නිවේදනයක් නිකුත් කරමින් අමාත්‍යාංශය පැවසුවේ අග්බෝ ඇතු සොයා ගැනීමේ කටයුතු කඩිනම් කිරීමේ අරමුණින් පරිසර අමාත්‍යවරයා සහ ආරක්ෂක අමාත්‍යාංශයේ ලේකම්වරයා අතර විශේෂ සාකච්ඡාවක් පැවති බවය.
ඒ අනුව ආරක්ෂක අමාත්‍යාංශයේ ලේකම්වරයා විසින් අග්බෝ ඇතු සොයා ගැනීම සඳහා විශේෂ හමුදා කණ්ඩායමක් පිටත් කර ඇති බවද අමාත්‍යාංශය සඳහන් කළේය.
මෙම කණ්ඩායම මගින් අග්බෝ ඇතා සිටින ස්ථානය හඳුනාගනිමින් ඇතාගේ ආරක්ෂාව තහවුරු කිරීම සිදුවනු ඇති බවද අමාත්‍යාංශය නිකුත් කළ නිවේදනයේ සඳහන් වේ.
