සියලු ස්ථානමාරුවීම් අප්රේල් 02 වනදා සිට ක්රියාත්මකයි
March 15, 2026 01:58 pm
2026 වර්ෂය සඳහා රාජ්ය සේවා කොමිෂන් සභාව විසින් තීරණ ලබා දී ඇති සියලු ස්ථානමාරුවීම් අප්රේල් මස 02 වන දින සිට ක්රියාත්මක කළ යුතු බව රාජ්ය සේවා කොමිෂන් සභා කාර්යාලය පවසයි.
ස්ථානමාරුවීම් ක්රියාත්මක වීමේ දිනය සඳහන් කර නොමැති සියලු ස්ථානමාරුවීම් අදාළ දිනයේ සිට ක්රියාක්මක විය යුතු බව රාජ්ය සේවා කොමිෂන් සභා කාර්යාලය සඳහන් කර සිටී.
ස්ථානමාරුවීම්වලට අදාළව ඉදිරිපත් වී ඇති අභියාචනාවල තීරණ ද මේ වන විට සියලු නිලධාරීන්ට දැනුම් දී ඇති අතර එම තීරණ රාජ්ය සේවා කොමිෂන් සභා වෙඩි අඩවියේ සඳහන් කර ඇති බව වාර්තා වේ.
ඒ අනුව 2026 වාර්ෂික ස්ථානමාරු නියෝග ලබා සිටින සියලුම නිලධාරීන් නියමිත දිනයේ නව සේවා ස්ථානයේ රාජකාරි භාරගැනීම සිදුකළ යුතු බව ද රාජ්ය සේවා කොමිෂන් සභා කාර්යාලය වැඩිදුරටත් දැනුම් දී තිබේ.
එමෙන්ම රාජ්ය සේවා කොමිෂන් සභාව විසින් තීරණය ලබාදී ඇති ස්ථානමාරුවීම් සම්බන්ධයෙන් ඉදිරියේදී ඉදිරිපත් කරනු ලබන ඉල්ලීම් හෝ නිර්දේශ නැවත සලකා නොබලන බව ද සඳහන්ය.
