වී මෝල් 3කින් එළියට දැමූ ගොවියා පාරට වැටෙයි

දිඹුලාගල කුඩාවැව ප්‍රදේශයේ පුද්ගලයෙකු තම වී අස්වැන්න ලොරියක පටවාගෙන ගොස් පොළොන්නරුවේ වී මෝල් 3කට ලබාදීමට උත්සහ කළද, ඒ කිසිඳු තැනකින් රුපියල් 118ක අවම මුදලකට එම වී ලබාගැනීමට කිසිවෙකු හෝ ඉදිරිපත් නොවූ ඔහු පවසයි.

තම බිරිඳගේ කර මාලය උකස්කර කුඹුරට තෙල් ගැසූ බවත්, එය බේරාගැනීමට නොහැකි වුවහොත් තමන්ට ගෙදරින් ආහාරත් නැතුවනු ඇති බවත් හෙතෙම පැවසීය.

සිද්ධියට මුහුණ දුන් ගොවි මහතා,

"අඩුවට ගන්නවා නම් මං කිව්වා.. මේක රුපියල් 6500ට ගන්න කියලා. ඒ ගන්නෙත් නැහැ. එපා කියලා එළියට දැම්මා. මාලේ අරන් ගිහින් උකස් තියලා කුඹුරට තෙල් ගැහුවේ. ඒක බේරලා දෙන්නේ නැද්ද කියලා නෝනා අහනවා. බේරගන්න බැරි නම් මං මොකද කරන්නේ. මට ගෙදරින් කන්න දෙන්නෙත් නැති වෙයි. රෙදි ටික හෝදලා දෙන්නෙත් නැති වෙයි."