දක්ෂිණ අධිවේගී මාර්ගයේ මත්තල දෙසට වූ මංතීරුවේ 138 කණුව අසලදී රුසියානු සංචාරකයන් රැගත් බස් රථයක් එම දෙසටම ධාවනය වූ සිමෙන්ති රැගත් ලොරියක පිටුපස ගැටී අද (17) අලුයම අනතුරක් සිදුව තිබේ.
අනතුරෙන් බස් රථයේ රියදුරු ජිවිතක්ෂයට පත්ව ඇති අතර, බස් රථයේ ගමන්කළ තවත් 14 දෙනෙකු තුවාල ලබා තිබේ.
බස් රථය කළුතර සිට ඇල්ල බලා දක්ෂිණ අධිවේගි මාර්ගය ඔස්සේ ධාවනය වෙමින් තිබූ අතරතුර, අලුයම 5.25ට පමණ මෙම අනතුර සිදුව තිබේ.
අනතුර සිදුවන අවස්ථාවේ රුසියානු ජාතිකයින් 12 දෙනෙකු හා මෙරට පුද්ගලයින් තිදෙනෙකු බස් රථය තුළ සිට ඇත.
තුවාල ලැබු පුද්ගලයින් කඩිනමින් තංගල්ල හා බෙලිඅත්ත යන රෝහල් වෙත ඇතුළත්කර ඇති අතර, රියදුරුට නින්ද යාමෙන් මෙම අනතුර සිදුවන්නට ඇති බවට පොලීසිය සැක කරයි.
මියගිය රියදුරු දොඩන්ගොඩ ප්රදේශයේ පදිංචි වයස අවුරුදු 30ක පුද්ගලයෙක්ය.
අනතුර සම්බන්ධයෙන් දක්ෂිණ අධිවේගී මාර්ගයේ අපරැක්ක පොලිස් අනුපාලක ස්ථානය මගින් වැඩිදුර පරීක්ෂණ සිදු කරයි.
