නවසීලන්තයට ලකුණු 221ක ඉලක්කයක්

ශ්‍රී ලංකාව හා නවසීලන්තය අතර පැවැත්වෙන පළමු එක්දින තරගයේ ජයග්‍රහණය සඳහා නවසීලන්ත කණ්ඩායමට පන්දුවාර 27කදී ඩක්වර්ත් සහ ලුවිස් න්‍යාය අනුව ලකුණු 221ක ඉලක්කයක් හිමිවිය.

දඹුල්ලේ පැවැත්වෙන මෙම තරගයේ කාසියේ වාසිය දිනා පළමුව පන්දුවට පහරදුන් ශ්‍රී ලංකා කණ්ඩායම පන්දුවාර 49.2ක් තුළදී කඩුලු 05ක් දැවී ලකුණු 324ක් රැස්කරගෙන සිටියදී වර්ෂාවෙන් බාධා එල්ල විය.

පැය 3කට ආසන්න කාලයක් තරගයට වර්ෂාවෙන් බාධා එල්ල වූ නිසා ශ්‍රී ලංකාව යළි පන්දුවට පහර නොදුන් අතර, පන්දුවාර සංඛ්‍යාව අඩුකර පන්දුවට පහරදීමේ අවස්ථාව නවසීලන්ත කණ්ඩායමට ලබාදීමට තරග තීරකවරයා කටයුතු කළේය.