ලොකී ෆර්ගියුසන් ට ශ්‍රී ලංකාව සමග පැවැත්වෙන එක්දින තරගාවලිය අහිමිවෙයි

නවසීලන්ත කණ්ඩායමේ වේගපන්දු යවන ක්‍රීඩක ලොකී ෆර්ගියුසන් ට ශ්‍රී ලංකා - නවසීලන්ත එක්දින තරගාවලි‍ය අහිමිවී තිබේ.

ඒ ඔහු ආබාධයකට ලක්වීම හේතුවෙනි.

ෆර්ගියුසන් වෙනුවට ඇඩම් මිල්නේ නවසීලන්ත සංචිතයට කැඳවා ඇත.

ශ්‍රී ලංකා - නවසීලන්ත එක්දින තරගාවලිය හෙට (13) සිට ආරම්භවීමට නියමිතව ඇත.

එහි පළමු තරගය දඹුල්ලේ දී පැවැත්වෙයි.

ෆර්ගියුසන් ශ්‍රී ලංකාවට එරෙහිව පැවති දෙවන 20යි 20 තරගයේදී හැට්ට්‍රික් එකක් ලබා ගත්තේය. 

එම තරගයේ සිය දෙවැනි පන්දු ඕවරය යවන අතරතුර පාදයේ ඇතිවූ ආබාධ තත්ත්වයක් හේතුවෙන් ඔහු පිටියෙන් ඉවත්ව ගොස් තිබුණි.