ඊශ්‍රායලය පලි ගනී

ඊශ්‍රායල හමුදා ගාසා තීරය ඉලක්ක කරමින් එල්ලකළ ගුවන් ප්‍රහාර මාලාවකින් පලස්තීන ජිහාඩ් නායකයින් තිදෙනෙකු ඇතුළු 13 දෙනෙක් මියගොස් තිබේ.

මෙසේ ඝාතනයට ලක්ව ඇත්තේ පලස්තීන ජිහාඩ් සංවිධානයට සක්‍රියව නායකත්වය සැපයූ අල් ඝාන්නම්, ඛලීඩ් අල් බහ්තිනී සහ තාරික් අස් අල් ඩීන් නම් තිදෙනා ය.

ගාසා නගර මධ්‍යයේ පිහිටා ඇති නිවාස සංකීර්ණයක් වෙතද ගුවන් ප්‍රහාර එල්ල වී තිබුණි. 

මියගිය පිරිස අතර කුඩා ළමයින් 4 දෙනෙක් සහ කාන්තාවන් 6 දෙනෙක්ද වූ බව පලස්තීන සෞඛ්‍ය අංශ පැවසීය.

තවත් 20 දෙනෙක් තුවාල ලබා ඇති බව වාර්තා විය.