ජනවාරියේ සිට මත්ද්‍රව්‍ය වැරදි සම්බන්ධයෙන් ලක්ෂය ඉක්මවූ පිරිසක් අත්අඩංගුවට

2025 ජනවාරි පළමුවනදා සිට ඊයේ (29) දිනය දක්වා මත්ද්‍රව්‍ය සම්බන්ධ වැරදි සම්බන්ධයෙන් පුද්ගලයන් 122,913 දෙනෙකු අත්අඩංගුවට පත්ව ඇති බව මහජන ආරක්ෂක හා පාර්ලිමේන්තු කටයුතු අමාත්‍යංශය පවසයි.

නිවේදනයක් නිකුත් කරමින් එම අමාත්‍යාංශය සඳහන් කළේ 2025 ජනවාරි පළමුවනදා සිට ඊයේ (29) දිනය දක්වා පමණක්, හෙරොයින් කිලෝ 928. 787ක් ද, අයිස් කිලෝ 1396. 709ක් ද, ගංජා කිලෝ 11 192. 823ක් ද, කොකේන් කිලෝ 27. 836ක් ද, හෂිස් කිලෝ 381.428ක්ද පොලිස් භාරයට ගෙන ඇති බවය. 

මේ අතර, ඊයේ දිනයේ පමණක් ශ්‍රී ලංකා පොලීසිය, පොලිස් විශේෂ කාර්ය බලකාය හා ත්‍රිවිධ හමුදාව එක්ව විශේෂ මෙහෙයුම් කිහිපයක් මුලු රටම ආවරණය වන පරිද්දෙන් සිදු කර ඇත. 

එම මෙහෙයුම් සඳහා ශ්‍රී ලංකා පොලීසියෙත්, පොලිස් විශේෂ කාර්ය බලකායෙත් සහ ත්‍රිවිධ හමුදාවේත් සාමාජිකයන් 6,695ක සංඛ්‍යාවක් සහභාගී වී ඇති අතර එහිදී පුද්ගලයන් 25,111ක් පරීක්ෂාවට ලක් කර තිබේ.

එමෙන්ම වාහන 10,128ක් ද යතුරු පැදි 7,734ක් ද පරීක්ෂාවට ලක් කර ඇත.

මෙම විශේෂ සෝදිසි මෙහෙයුම් තුළදී විෂ මත්ද්‍රව්‍ය සම්බන්ධ වැරදි සම්බන්ධයෙන් පුද්ගලයන් 948ක් අත්අඩංගුවට පත්ව ඇත.

එමෙන්ම අපරාධවලට සෘජු ලෙස සම්බන්ධ පුද්ගලයන් 13 දෙනෙකු ද අත්අඩංගුවට පත්ව ඇත.‍

එකී මෙහෙයුම් අතරතුරදී නීතිවිරෝධි ගිනි අවි 03ක් ද අත්අඩංගුවට ගෙන ඇත.

අදාළ සම්පුර්ණ නිවේදනය පහතින්,