නීතිඥ සහ වෛද්‍ය වෘත්තිකයන්ගේ වාහන හඳුනාගැනීමේ බලපත්‍ර ගැන තීරණයක්
October 21, 2025 03:47 pm
නීතිඥවරුන්ගේ සහ වෛද්‍යවරුන්ගේ වාහනවල හඳුනාගැනීමේ ලාංඡන ඉවත් කිරීමට රජය කිසිදු තීරණයක් ගෙන නොමැති බව සෞඛ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.
එමෙන්ම එවැනි කටයුත්තක් සිදුකිරීමට බලාපොරොත්තුවක් හෝ නොමැති බව ද සෞඛ්‍ය අමාත්‍යවරයා සඳහන් කළේය.
පාර්ලිමේන්තු මන්ත්‍රී රෝහිත අබේගුණවර්ධන අද (21) පාර්ලිමේන්තුවේ දී යොමු කළ ප්‍රශ්නයකට පිළිතුරු ලබාදෙමින් සෞඛ්‍ය අමාත්‍ය වෛද්‍ය නලින්ද ජයතිස්ස මහතා මේ බව පැවසීය.
