සියලු දරුවන්ට ප්‍රවේශ විය හැකි නව අධ්‍යාපන ක්‍රමයක් ඇති කිරීම රජයේ අරමුණයි - අගමැතිනි හරිනි
August 31, 2025 01:06 pm
සමානත්මභාවයෙන් හා ගුණාත්මකභාවයෙන් පිරි සියලු දරුවන්ට ප්‍රවේශ විය හැකි නව අධ්‍යාපන ක්‍රමයක් ගොඩ නැගීම රජයේ අරමුණ බව අග්‍රාමාත්‍ය ආචාර්ය හරිනි අමරසූරිය පවසයි.
යෝජිත අධ්‍යාපන ප්‍රතිසංස්කරණ සම්බන්ධයෙන් රදගුරු අධ්‍යාපන උපදේශක කමිටුව සමඟ පැවති සාකච්ඡාවකදී අග්‍රාමාත්‍යවරිය මෙම අදහස් පළ කළාය.
ලංකා සභා කොළඹ දියෝකීසියයේ රදගුරු අධ්‍යාපන උපදේශක කමිටුව සහ අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය අග්‍රාමාත්‍ය ආචාර්ය හරිනි අමරසූරිය අතර පැවැති විශේෂ සාකච්ඡාවේදී ඇය මේ බව පැවසුවාය.
යෝජිත නව අධ්‍යාපන ප්‍රතිසංස්කරණ සම්බන්ධයෙන් මෙහිදී සාකච්ඡාවට ගැණුන අතර උපදේශක කමිටුව, අධ්‍යාපන ප්‍රතිසංස්කරණ සම්බන්ධයෙන් සිය යෝජනා ද අග්‍රාමාත්‍යවරිය වෙත ඉදිරිපත් කරනු ලැබීය.
