ඇෆ්ගන් - පාකිස්තාන - UAE තුන්කොන් සටන අද සිට
August 29, 2025 01:48 pm
පාකිස්තානය, ඇෆ්ගනිස්තානය සහ එක්සත් අරාබි එමීර් රාජ්‍යය අතර පැවැත්වෙන තුන්කොන් විස්සයි20 ක්‍රිකට් තරගාවලිය අද (29) ආරම්භ වේ.
තරගාවලිය ආරම්භ කරමින් පැවැත්වෙන පළමු තරගය ඇෆ්ගනිස්තානය හා පාකිස්තානය අතර සාජාහිදී මෙරට වේලාවෙන් රාත්‍රී 8.30ට ආරම්භවීමට නියමිතවය.
එක්සත් අරාබි එමීර් රාජ්‍ය ක්‍රිකට් ආයතනයේ සත්කාරකත්වය යටතේ පැවැත්වෙන මෙම තරගාවලිය
ආසියානු කුසලාන විස්සයි20 ක්‍රිකට් තරගාවලියට පෙර සූදානමක් පැවැත්වේ.
තරගාවලියේ සියලුම තරග සාජා ක්‍රිකට් ක්‍රීඩාංගණයේ දී පැවැත්වීමට කටයුතු යොදා තිබේ.
අවසන් මහා තරගය සැප්තැම්බර් 7වනදා පැවැත්වීමට නියමිතය.
පළමු වටයේදී සෑම කණ්ඩායමකටම තරග 2 බැගින් හිමිවන අතර, එහිදී ඉහළම ප්‍රසාද ලකුණු හිමිකරගන්නා කණ්ඩායම් දෙකට අවසන් මහා තරගයට සුදුසුකම් ලබාගැනීමට හැකිය.
