ලොව උසම තනි ආරුක්කු දුම්රිය පාලම විවෘත කෙරේ

ඉන්දීය අග්‍රාමාත්‍ය නරේන්ද්‍ර මෝදි විසින් ඉන්දියානු පරිපාලනය යටතේ පවතින කාශ්මීරයේ ලොව උසම තනි ආරුක්කු දුම්රිය පාලම විවෘත කර තිබේ.

ආධාරක දෙකක් අතර විහිදෙන තනි, අඛණ්ඩ ආරුක්කුවක් සහිත පාලමක් සඳහා මෙම "තනි ආරුක්කු පාලම" යන යෙදුම සාමාන්‍යයෙන් යොදනු ලබයි.

චෙනාබ් ගඟ හරහා ඉදිකර ඇති මෙම පාලම අයිෆල් කුළුණට වඩා මීටර් 35 (අඩි 114) ක් උස වන අතර එය ඉදිකිරීමට ඉන්දියානු දුම්රිය සේවයට වසර 20කට වැඩි කාලයක් ගත වී ඇත.

මෙම පාලම කාශ්මීරයේ නිම්න කලාපය රටේ සෙසු ප්‍රදේශ සමඟ දුම්රියෙන් සම්බන්ධ කරන අතර එය ජම්මු හරහා ගමන් කරන කිලෝමීටර් 272  සර්ව-කාලගුණ දුම්රිය මාර්ගයක කොටසක් වේ.

අවසානයේ මෙය කාශ්මීර නිම්නය දක්වා ගමන් කරනු ඇත.