මාලිමා මන්ත්‍රීට එල්ලවූ විරෝධය
December 30, 2024 05:41 pm
ජාතික ජන බලවේගයේ කුරුණෑගල දිස්ත්‍රික් පාර්ලිමේන්තු මන්ත්‍රී විජේසිරි බස්නායක මහතාට බිංගිරියේදී විරෝධතාවක් එල්ල වී තිබේ.
ඒ එම ප්‍රදේශයේ කර්මාන්ත ශාලාවක ප්‍රවාහන සේවා කොන්ත්‍රාත්තුවක් ලබාගැනීම සම්බන්ධයෙන් තවත් පුද්ගලයෙකු හා එම ස්ථානයට පැමිණි අවස්ථාවේදීය.
කුරුණෑගල බිංගිරිය ප්‍රදේශයේ පිහිටි ඇගලුම් කම්හලක සේවකයින්ට අවශ්‍ය ප්‍රවාහන පහසුකම් සපයන්නේ කම්හල අවට සිටින පිරිස විසින් බව වාර්තා වෙයි.
ජාතික ජන බලවේගයේ කුරුණෑගල දිස්ත්‍රික් පාර්ලිමේන්තු මන්ත්‍රී විජේසිරි බස්නායක මහතා අද එම කම්හල පිහිටි ස්ථානයට පැමිණියේ එහි සේවකයින්ට අවශ්‍ය ප්‍රවාහන සේවා ලබාදීමට හැකි වෙනත් පාර්ශ්වයක් පිළිබඳ සාකච්ඡා කිරීමට බව එහි ප්‍රකාශකයෙකු සඳහන් කළේය.
තවත් පුද්ගලයෙකු සමඟ පැමිණි විජේසිරි බස්නායක මහතාට දැනට ප්‍රවාහන පහසුම් සපයන පිරිසගෙන් එල්ල වූයේ දැඩි විරෝධයකි.
එම වීඩියෝව ඉහත නැරඹිය හැකිය.
