අයිස් මත්ද්‍රව්‍ය ජාවාරමේ යෙදුණු අම්මයි දුවයි
November 6, 2024 07:13 pm
පොලිස් විශේෂ කාර්ය බළකා ජයවර්ධනපුර කඳවුරේ නිලධාරීන්ට ලද තොරතුරක් මත දෙල්ගොඩ, උඩුපිල ප්‍රදේශයේ සිදුකළ වැටලීමක දී අයිස් මත්ද්‍රව්‍ය සමග සැකකරුවෙකු සහ සැකකාරියන් දෙදෙනෙකු අත්අඩංගුවට ගෙන තිබේ.
පොලීසිය පැවසුවේ ඊයේ (05) පස්වරුවේ මෙම වැටලීම සිදුකර ඇති බවය.
එහිදී අයිස් මත්ද්‍රව්‍ය ග්‍රෑම් 508ක් සන්තකයේ තබා ගෙන සිටි සැකකාරියක් සහ ඊට ආධාර අනුබල දුන් තවත් සැකකාරියක් පොලීසිය විසින් අත්අඩංගුවට ගෙන ඇත.
එම දෙදෙනාට මත්ද්‍රව්‍ය ලබාදීම සඳහා මෝටර් රථයකින් පැමිණි පුද්ගලයෙකු ද අයිස් මත්ද්‍රව්‍ය ග්‍රෑම් 507ක් සන්තකයේ තබාගෙන සිටියදී අත්අඩංගුවට ගෙන තිබුණි.
පසුව ඔවුන් මීගහවත්ත පොලිස් ස්ථානය වෙත ඉදිරිපත් කර තිබේ.
අත්අඩංගුවට ගත් සැකකරු වයස අවුරුදු 28ක් වන කඩුවෙල ප්‍රදේශයේ පදිංචිකරුවෙකු වන අතර, කාන්තාවන් දෙදෙනා අවුරුදු 37 හා 58 වයස්වල පසුවන උස්වැටකෙයියාව ප්‍රදේශයේ පදිංචි මව හා දියණිය බව පොලීසිය සඳහන් කළේය.
මීගහවත්ත පොලිසිය වැඩිදුර විමර්ශන සිදු කරනු ලබයි.
