නෙදර්ලන්තයෙන් රැගෙන ආ පොලිස් නිල සුනඛයින්
July 5, 2024 03:22 pm
පොලිස් නිල සුනඛ කොට්ඨාසය සඳහා ආනයනය කළ සුනඛයින් 35 දෙනෙකු අද (05) අලුයම නෙදර්ලන්තයේ සිට කටුනායක ජාත්යන්තර ගුවන්තොටුපොළ වෙත රැගෙන එනු ලැබීය.
නෙදර්ලන්තයේ K10 Workingdogs නැමැති පෞද්ගලික සත්ත්ව ගොවිපළෙන් මෙම සුනඛයින් ආනයනය කර ඇති අතර ඒ සඳහා වැයකර ඇති මුදල් රුපියල් මිලියන 58කි.
මෙම සුනඛයින් අතර, බෙල්ජියම් මැලිනොයිස් (Belgian Malinois) වර්ගයේ සුනඛයන් 13 දෙනෙකු, ජර්මන් ෂෙපර්ඩ් (German Shepherd) වර්ගයේ සුනඛයන් 12 දෙනෙකු සහ ඉංග්ලිෂ් ස්පැනියෙල් (English Spaniel) වර්ගයේ සුනඛයන් 10 දෙනෙකු ඇතුළු සුනඛයින් 35 දෙනෙකු සිටියි.
මාස 8ත් 12ත් අතර වයස්වල පසුවන මෙම සුනඛයින් අතරින් 21 දෙනෙකු ගැහැණු සතුන් ය.