2026 FIFA ලෝක කුසලානයේ 32දෙනාගේ වටයේ තරග කාලසටහන නිකුත් කරයි

2026 FIFA ලෝක කුසලාන පාපන්දු තරගාවලියේ 32 දෙනාගේ වටයේ සම්පූර්ණ තරග කාලසටහන නිකුත්කර තිබේ.

තරග කාලසටහන අනුව පළමු තරගය අමෙරිකාවේ ලොස් ඇන්ජලීස් ක්‍රීඩාංගණයේදී දකුණු අප්‍රිකාව සහ කැනඩාව අතර, මෙරට වේලාවෙන් ජුනි 29 වෙනිදා අලුයම 12.30ට පැවැත්වෙනු ඇත.

ජුනි 29 වන සඳුදා අමෙරිකාවේ හූස්ටන් ක්‍රීඩාංගණයේදී බ්‍රසීලය සහ ජපානය තරග කරන අතර එය මෙරට වේලාවෙන් රාත්‍රී 10.30ට ඇරඹෙයි.

අමෙරිකාවේ බොස්ටන් ක්‍රීඩාංගණයේ ජර්මනිය සහ පැරගුවේ අතර තරගය මෙරට වේලාවෙන් ජුනි 30 අලුයම 2.00ට ආරම්භවීමට නියමිතය.

නෙදර්ලන්තය සහ මොරොක්කෝව අතර තරගය මෙක්සිකෝවේ එස්ටාඩියෝ මොන්ටෙරේ ක්‍රීඩාංගණයේ ජුනි 30 අලුයට 5.30ට පැවැත්වේ.

මේ අතර තරග කාලසටහන අනුව ජුනි 30 අඟහරුවාදා කෝට් ඩිවෝවාර් සහ නෝර්වේ අතර තරගය මෙරට වේලාවෙන් රාත්‍රී 10.30ට අමෙරිකාවේ ඩලස් ක්‍රීඩාංගණයේදී පැවැත්වෙනු ඇත. 

ප්‍රංශය සහ ස්වීඩනය අතර තරගය නිව්යෝර්ක්/නිව්ජර්සි ක්‍රීඩාංගණයේ ජූලි පළමුවෙනිදා මෙරට වේලාවෙන් අලුයම 2.30ට ආරම්භ වෙයි.

මෙක්සිකෝව සහ ඉක්වදෝරය අතර තරගය ජූලි 1 මෙරට වේලාවෙන් උදෑසන 6.30ට මෙක්සිකෝවේ මෙක්සිකෝ සිටි ක්‍රීඩාංගණයේ පැවැත්වේ.

මේ අතර, ජූලි 01 බදාදා තරග කාලසටහන අනුව එංගලන්තය සහ කොංගෝ ප්‍රජාතන්ත්‍රවාදී ජනරජය අතර තරගය අමෙරිකාවේ ඇට්ලන්ටා ක්‍රීඩාංගණයේ  මෙරට වේලාවෙන් රාත්‍රී 9.30ට ඇරඹේ

අමෙරිකාවේ සියැටල් ක්‍රීඩාංගණයේ බෙල්ජියම සහ සෙනගාලය අතර තරගය ජූලි 2 මෙරට වේලාවෙන් අලුයම 1.30ට පැවැත්වීමට නියමිතව ඇත.

අමෙරිකාව සහ බොස්නියාව සහ හර්සගොවිනාව අතර තරගය අමෙරිකාවේ සැන් ෆ්‍රැන්සිස්කෝ බේ ඒරියා ක්‍රීඩාංගණයේ ජූලි 2 මෙරට වේලාවෙන් අලුයම 4.30ට ආරම්භ වේ.

මේ අතර ජූලි 2 බ්‍රහස්පතින්දා ස්පාඤ්ඤය සහ ඔස්ට්‍රියාව අතර තරගය අමෙරිකාවේ ලොස් ඇන්ජලීස් ක්‍රීඩාංගණයේ මෙරට වේලාවෙන් ජූලි 3 අලුයම 12.30ට පැවැත්වේ.

පෘතුගාලය සහ ක්‍රොඒෂියාව අතර තරඟය කැනඩාවේ ටොරොන්ටෝ ක්‍රීඩාංගණයේ මෙරට වේලාවෙන් ජූලි 3 අලුයම 4.30ට ඇරඹේ.

ස්විට්සර්ලන්තය සහ ඇල්ජීරියාව අතර තරගය කැනඩාවේ බීසී ප්ලේස් වැන්කුවර් ක්‍රීඩාංගනයේ මෙරට වේලාවෙන් ජූලි 3 උදෑසන 7.3‍0ට පැවැත්වේ.

මේ අතර ජූලි 3 සිකුරාදා තරග කාලසටහන අනුව ඔස්ට්‍රේලියාව සහ ඊජිප්තුව අතර තරඟය අමෙරිකාවේ ඩලස් ක්‍රීඩාංගණයේ මෙරට වෙලාවෙන් රාත්‍රී 11.30ට ඇරඹේ.

ආර්ජන්ටිනාව සහ කේප් වර්ඩ් අතර තරගය අමෙරිකාවේ මියාමි ක්‍රීඩාංගණයේ මෙරට වේලාවෙන් ජූලි 4 අලුයම 3.30ට පැවැත්වෙනු ඇත.

කොලොම්බියාව සහ ඝානාව අතර තරගය අමෙරිකාවේ කැන්සාස් සිටි ක්‍රීඩාංගණයේ මෙරට වේලාවෙන් ජූලි 4 උදෑසන 6.00ට ආරම්භවීමට නියමිතව ඇත.