දොම්පේ සහ නිට්ටඹුව ප්‍රදේශවල සිදුවු රිය අනතුරුවලින් පුද්ගලයින් දෙදෙනෙකු මියගොස් තිබේ.
පොලිසිය පැවසුවේ දොම්පේ, හින්නපන්නර ප්‍රදේශයේදී යතුරුපැදියක්, පැදිකරුට පාලනය කර ගත නොහැකිව මාර්ගයෙන් ඉවතට පැන විදුලි රැහැන් කණුවක ගැටී අනතුරක් සිදුව ඇති බවය.
අනතුරින් බරපතළ තුවාල ලැබු පැදිකරු දොම්පේ රෝහලට ඇතුලත් කිරීමෙන් පසු මියගොස් තිබේ.
මෙලෙස මියගොස් ඇත්තේ 29 හැවිරිදි පන්නිපිටිය ප්‍රදේශයේ පදිංචිව සිටි අයෙකි.
මේ අතර නිට්ටඹුව, හොරගොල්ල ප්‍රදේශයේදී යතුරුපැදියක් ටිපර් රථයක ගැටීමෙන් අනතුරක් සිදුව තිබේ.
අනතුරින් බරපතළ තුවාල ලැබූ යතුරුපැදිකරු හා පසුපැදිකාරිය වතුපිටිවල රෝහලට ඇතුළත් කිරීමෙන් පසු යතුරුපැදිකරු මියගොස් ඇති බව පොලීසිය පැවසීය.
මෙලෙස මියගොස් ඇත්තේ 78 හැවිරිදි නිට්ටඹුව, දංගොල්ල වත්ත ප්‍රදේශයේ පදිංචිව සිටි අයෙකි.
අනතුරට සම්බන්ධ ටිපර් රථයේ රියැදුරු අත්අඩංගුවට ගෙන ඇත.
