පාකිස්තානයේ පැවැත්වෙන තුන්කොන් ක්‍රිකට් තරගාවලියේ එංගලන්තය සමග පැවැති තරගය කඩුල්ලක තියුණු ජයක් වාර්තා කිරීමට පාකිස්තාන කණ්ඩායම සමත් විය.
තරගයේ ප්‍රථමයෙන් පන්දුවට පහරදුන් එංගලන්ත කණ්ඩායම නියමිත පන්දුවාර 50 තුළ සියලු දෙනාදැවී රැස්කරගත් ලකුණු සංඛ්‍යාව 241කි.
එහිදී බෙන් ඩකෙට් ලකුණු 105ක් සහ සෑම් කරන් ලකුණු 42ක් ලබාගත්තහ.
පන්දුයැවීමේදී ශයින් ෂා අෆ්රිඩි කඩුලු හතරක් බිඳහෙළුවේය.
අනතුරුව ජයග්‍රහණය සඳහා ලකුණු 242ක ඉලක්කයක් හඹා ගිය පාකිස්තාන කණ්ඩායම පන්දුවාර 47.1ක් තුළ කඩුලු 09ක් පමණක් දැවී තරගයේ ජය වාර්තා කළේය. එහිදී ශදාබ් ඛාන් ලකුණු 113ක් රැස්කරගත්තේය.
පන්දුයැවීමේදී ජෙමී ඔවර්ටන් කඩුලු තුනක් බිඳහෙළීය.
පාකිස්තානය ජයග්‍රහණය සඳහා රැගෙන ගිය ෂදාබ් ඛාන් සහ හරිෂ් රවුෆ් දස වන කඩුල්ල සඳහා ලකුණු 89ක් රැස්කළහ.
එක්දින ක්‍රිකට් ඉතිහාසේ සාර්ථක ලකුණු හඹායාමකදී දස වන කඩුල්ල සඳහා පැවැත්වූ හොඳ සබඳතාව මෙය ලෙස සැලකේ.
ඒ අනුව මොවුන් විසින් බිඳහෙළනු ලැබූවේ මීට වසර 51කට පෙර 1975 වසරේදී පාකිස්තානයට එරෙහිව බටහිර ඉන්දිය කොදෙව් ක්‍රීඩකයින් වන ඩ්‍රයික් මුරේ සහ ඇන්ඩ්‍රි රොබට්ස් විසින් පිහිටුවා තිබූ ලකුණු 64ක් සබඳතාව වීමත් විශේෂත්වයකි.
මෙම ජයග්‍රහණයත් සමඟ අදාළ තුන්කොන් තරගාවලියේ අවසන් මහා තරගයට පාකිස්තාන කණ්ඩායම සුදුසුකම් ලබාගැනීමට ද සමත්විය.
