උණුසුම් පුවත්
නාමල්ගේ එයාර්බස් නඩුවට අල්ලස් කොමිසම මහාධිකරණ විනිසුරු මඬුල්ලක් ඉල්ලයි
එයාර්බස් ගුවන් යානා මිලදී ගැනීමේ සිද්ධිය්දී අල්ලස් ලබාගැනීම සම්බන්ධයෙන් පාර්ලිමේන්තු මන්ත්‍රී නාමල් රාජපක්ෂ මහතා ඇතුළු විත්තිකරුවන්ට අදාළ නඩුව ස්ථිර ත්‍රිපුද්ගල මහාධිකරණ විනිසුරු මඩුල්ලක් ඉදිරියේ විභාගයට ගැනීම සඳහා නියම කරන ලෙස අල්ලස් කොමිසම විසින් අගවිනිසුරුවරයා වෙත ඉල්ලීමක් කිරීමට තීරණය කර ඇතැයි අල්ලස් කොමිසම කොළඹ මහෙස්ත්‍රාත් අධිකරණයට දැනුම් දුන්නේය.
අදාළ නඩුකරය අද (13) කැඳවූ අවස්ථාවේදී අල්ලස් කොමිසම වෙනුවෙන් පෙනී සිටි නියෝජ්‍ය සොලිසිටර් ජෙනරාල් ජනක බණ්ඩාර මහතා මෙම දැනුම්දීම සිදුකළේය.
