උණුසුම් පුවත්
"ආණ්ඩුව IMF පදයට නටනවා'' - විපක්ෂ නායක
ජාත්‍යන්තර මූල්‍ය අරමුදලට අවශ්‍ය පරිදි ගිවිසුම් පවත්වාගෙන යමින් ජනතාව පීඩාවට පත්කිරීම වෙනුවට ජනතාවට සහන ලබාදීමට වත්මන් ආණ්ඩුව කටයුතු කළ යුතු බව විපක්ෂ නායක සජිත් ප්‍රේමදාස මහතා පවසයි.
අද (05) මාධ්‍ය වෙත විශේෂ ප්‍රකාශයක් කරමින් විපක්ෂ නායකවරයා මේ බව සඳහන් කළේය.
IMF ප්‍රධානීන් සහ නියෝජිතයන් ජනාධිපතිවරයා හමුවී ක්‍රමවේදය හෙවත් පිරිවැය ප්‍රතිපූර්ණය කර ගණනය කරන ක්‍රමවේදයට රටේ ඉන්ධන මිල ඉහළ යා යුතු බවට යෝජනා කර ඇති බව විපක්ෂ නායකවරයා මෙහිදී පැවසීය.
එලෙසම මෙම රජය ජනතාවට පීඩාකාරී IMF ගිවිසුම වෙනස් කරන නිසා ජනතාව වරම දුන්නත් එය ඉටු කිරීමට රජය කටයුතු නොකිරීම නිසා රජයට මෙම IMF ගිවිසුම පාරාවළල්ලක් වී ඇති බවත් පැවසීය.
දැන් රජයට IMF එකට අනුව තෙල් මිල ඉහළ දැමීමට අයිතියක් නැති බවත් විපක්ෂ නායක සජිත් ප්‍රේමදාස මහතා වැඩිදුරටත් පැවසීය.
