උණුසුම් පුවත්
රු.5,000ක අල්ලසක් ගත් පොලිස් කොස්තාපල්ට වැඩ වරදී
සීදුව පොලිස් ස්ථානයේ සේවයේ නියුතු පොලිස් කොස්තාපල්වරයෙකු අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබේ.
රිය අනතුරකට අදාළව භාරයට ගෙන තිබූ රියදුරු බලපත්‍රයක් සම්බන්ධයෙන් නීතිමය පියවර නොගෙන එය නැවත ලබා දීම සඳහා රුපියල් 5,000ක මුදලක් අල්ලස් ලෙස ඉල්ලා ලබා ගැනීම හේතුවෙන් මෙම පුද්ගලයා අත්අඩංගුවට ගෙන ඇත.
අල්ලස් හෝ දූෂණ චෝදනා විමර්ශන කොමිෂන් සභාවේ විමර්ශන නිලධාරීන් විසින් ඊයේ (02) පස්වරුවේ සීදුව පොලිස් ස්ථානයේ රථ වාහන අංශය තුළදී මෙම වැටලීම සිදුකර තිබේ.
අත්අඩංගුවට ගත් සැකකාර පොලිස් කොස්තාපල්වරයා කොළඹ ප්‍රධාන මහේස්ත්‍රාත් අධිකරණය වෙත ඉදිරිපත් කිරීමට නියමිතය.
