මෙම වසරේ ගතවූ මාස 8ක කාලය තුළ වාර්තා වූ සංචාරක ආදායම පෙර වසරේ මුල් මාස 8ට සාපේක්ෂව අඩුවී ඇතැයි ශ්රී ලංකා මහ බැංකුව නිකුත් කළ වාර්තාවක සඳහන් වේ.
පසුගිය වසරේ මුල් මාස 8 තුළ සංචාරක ආදායමෙන් මෙරට උපයාගෙන ඇති මුදල අමෙරිකානු ඩොලර් 2,290කි.
කෙසේ වෙතත් මෙම වසරේ එම මාස 8 තුළ සංචාරක ආදායම් ලෙස උපයාගෙන ඇත්තේ අමෙරිකානු ඩොලර් මිලියන 2,061.1ක් පමණි.
ඒ අනුව පසුගිය වසර හා සැසඳීමේදි මේ වසරේ මෙම මාස 8 තුළ සංචාරක ආදායමෙන් උපයා ගනු ලැබූ ආදායමේ යම් පහළ යෑමක් ලෙසද සටහන් වේ.
මෙම වසරේ ජනවාරි 1 වැනිදා සිට අගෝස්තු මාසය දක්වා වූ මාස 8ක කාලය තුළ මෙරටට සංචාරකයින් 1,535,122ක් පැමිණ ඇති අතර එම සංචාරකයින්ගෙන් මෙම ආදායම උපයාගෙන තිබේ.
මේ අතර පසුගිය අගෝස්තු මාසයේදී මෙරට සංචාරක ආදායමෙන් අමෙරිකානු ඩොලර් මිලියන 264.4ක් උපයා ගෙන තිබේ.
අගොස්තු මාසයේදී මෙරටට පැමිණි සංචාරකයින් ගණන 191,704කි.
පසුගිය 2025 වසරේ අගෝස්තු මාසයේදී මෙරට උපයාගෙන තිබූ සංචාරක ආදායම අමෙරිකානු ඩොලර් 258.9ක් වේ.
ඒ අනුව මෙම වසරේ අගෝස්තු මාසයේදී මෙරට සංචාරක ආදායමෙන් ලැබූ ආදායම සුළු වශයෙන් ඉහළ ගොස් ඇති බවද මහ බැංකුව විසින් නිකුත් කළ අදාළ වාර්තාවේ සඳහන් වේ.
