මහකන්නයේ වගා කටයුතු සම්බන්ධයෙන් ලබන 08 වැනිදා අදාළ අංශය සමග සාකච්ඡා කරන බව කෘෂිකර්ම, පශු සම්පත්, ඉඩම් සහ වාරිමාර්ග අමාත්යාංශයේ ලේකම් ඩී.පී වික්රමසිංහ මහතා පවසයි.
ලේකම්වරයා මේ බව ප්රකාශ කළේ, රජයේ ප්රවෘත්ති දෙපාර්තමේන්තුවේ අද (04) පැවති මාධ්ය සාකච්ඡාවට එක්වෙමිනි.
එහිදී ගන්න තීරණ මත ලබන 18 වැනිදා සියලු පාර්ශ්වය සහභාගී කරවාගෙන මහකන්නයේ වගා කටයුතු සම්බන්ධයෙන් අවසන් තීන්දුව ගන්නා බව හෙතෙම කීය.
මීට පෙර වාරිමාර්ගය අංශය සහ කෘෂිකර්ම අංශය අතර සාකච්ඡා කර මහකන්නයේ වගා කටයුතු සිදුකිරීමට අදාළ වැඩසටහන් සංවිධාන කරගන්නා ලදී.
කෙසේවෙතත් මෙවර මෙරටට බලපා ඇති එල්-නිනෝ තත්ත්වය හේතුවෙන් මෙම සාකච්ඡා සඳහා කාලගුණික අංශය ද සහභාගී කරගැනීමට කටයුතු කරන බව ඩී.පී වික්රමසිංහ මහතා වැඩිදුරටත් ප්රකාශ කළේය.
"අපි දැනට මේ මසේ 8 වැනිදා සියලුම අංශ එකතුවෙලා කොහොමද අපේ ඊළඟ වගා කන්නය සංවිධානය කරන්නේ කියන අපේ මූලික සාකච්ඡාව පවත්වලා, මේ මාසේ 18 වැනිදා පේරාදෙණියේදී රැස්වෙනවා. අපගේ වෝටර් පැනල් එක. ඒ කියන්නේ, සියලුම පාර්ශ්වයන් ගොවී මහත්ම මහත්මීන්, විශේෂයෙන් මහවැලි කලාප එකතු කරගෙන අවසාන තීන්දුව ගන්නවා. අපි කොහොමද ඊළඟ වගාකන්නයේ වී වගාව ආරම්භ කරන්නේ කියලා. අනෙකුත් භෝග කොහොමද වගා කරන්නේ? ජලය ලබා දෙන්නේ කොහොමද කියන සියලු තීන්දු ගන්නවා."
