කිරිපිටි, කල්කිරි සහ යෝගට් ඇතුළු භාණ්ඩ කිහිපයක මිල ඉහළ දමා ඇති බවට සදහන් කරමින් සමාජ මාධ්ය ඔස්සේ සංසරණය වෙමින් පවතින පුවත් අසත්ය බව පාරිභෝගික කටයුතු පිළිබද අධිකාරිය පවසයි.
එම අධිකාරිය පැවසුවේ BREAKING NEWS ලෙස සදහන් කරමින් කිරිපිටි, කල්කිරි සහ යෝගට් ඇතුළු භාණ්ඩ කිහිපයක මිල ඉහළ දමා ඇති බවට මේ වන විට සමාජ මාධ්ය ඔස්සේ පුවතක් සංසරණය වන බවය.
එම පුවතේ සදහන් මිල ඉහළ දැමීම සම්බන්ධ තොරතුරු අසත්ය බවත් එවැනි පුවත් තහවුරු කර ගැනීමකින් තොරව හුවමාරු කිරීමෙන් වළකින ලෙසත් පාරිභෝගික කටයුතු පිළිබද අධිකාරිය ජනතාවගෙන් ඉල්ලීමක් කර තිබේ.
ව්යාජ හෝ තහවුරු නොකළ තොරතුරු හුවමාරු කිරීමෙන් පාරිභෝගිකයින් අතර අනවශ්ය කලබලයක් ඇති වීමටත් වෙළදපොළ තුළ වැරදි අවබෝධයක් ඇතිවීමටත් ඉඩ පවතින බවද එම අධිකාරිය පෙන්වා දී තිබේ.
එබැවින් සැක සහිත මිල වෙනස්වීම් හෝ වෙළදපළ අක්රමිකතා පිළිබද තොරතුරු ඇත්නම් 1977 පාරිභෝගික කෙටි ඇමතුම් අංකය ඔස්සේ පාරිභෝගික කටයුතු පිළිබද අධිකාරිය වෙත දැනුම් දෙන ලෙසද එම අධිකාරිය ඉල්ලීමක් කර ඇත.
