උණුසුම් පුවත්
රක්ෂිතයට එක්ක ගිහින් බිරිඳව ඝාතනය කරලා
1h ago
අනුරාධපුර කොරකහවැව ප්රදේශයේ රක්ෂිතයක් තුළ දී ස්වාමි පුරුෂයා විසින් බිරිඳට තියුණු ආයුධයකින් පහරදී ඝාතනය කර ඔහුද එම පිහියෙන්ම ඇනගෙන තුවාල සිදුකරගෙන තිබේ.
අද (28) පෙරවරුවේ අදාළ පුද්ගලයා සිය බිරිඳ සමග යතුරුපැදියකින් මෙම රක්ෂිතය වෙත ගොස් ඇති අතර එහිදී ඇයව මෙලෙස ඝාතනය කර ඇති බව වාර්තා වේ.
තියුණු ආයුධ පහරින් බිරිඳ එම ස්ථානයේදීම මියගොස් ඇති අතර බරපතළ තුවාල ලැබූ ස්වාමිපුරුෂයා අනුරාධපුර ශික්ෂණ රෝහල වෙත ඇතුළත් කර තිබේ.
මෙලෙස මියගොස් ඇත්තේ උලුක්කුලම ප්රදේශයේ පදිංචි 59 හැවිරිදි තිදරු මවකි.
පෞද්ගලික ආරවුලක් හේතුවෙන් මෙම ඝාතනය සිදු කර ඇති බවට පොලීසිය සැකපළ කරයි.
අනුරාධපුර පොලිසිය විසින් සිද්ධිය පිළිබඳව වැඩිදුර පරීක්ෂණ සිදු කරයි.
