පවතින වියළි කාලගුණික තත්ත්වය හමුවේ පානීය ජලය හිඟවීම හේතුවෙන් බලපෑමට ලක්ව සිටින ජනතාව වෙත ජලය බෙදා හැරීමේ කටයුතු මේ වන විට අඛණ්ඩව සිදුවන බව ජාතික ආපදා සහන සේවා මධ්යස්ථානයේ ජ්යෙෂ්ඨ සහකාර ලේකම් ප්රගීත් ධනංසූරිය මහතා පවසයි.
අද (24) පැවති මාධ්ය හමුවකදී ඒ මහතා පැවසුවේ ජනාධිපතිවරයාගේ උපදෙස් පරිදි මේ වන විට එක් පුද්ගලයෙකු සඳහා දිනකට නිකුත් කරන පානීය ජල ප්රමාණයද වැඩි කර ඇති බවය.
ඒ අනුව දිනකට එක් පුද්ගලයෙකු සඳහා නිකුත් කර තිබූ ලීටර් 6ක ජල ප්රමාණය ලීටර් 15ක් දක්වා වැඩි කර ඇති බව පැවසූ ඒ මහතා ජනාධිපතිවරයාගේ උපදෙස් පරිදි ජලය බෙදා හැරීමට අවශ්ය ලිං සහ ජල මූලාශ්ර සුද්ධ පවිත්ර කිරීම සඳහාත් අවශ්ය ප්රතිපාදන යොමු කර ඇති බවද පැවසුවේය.
ඒ අනුව අදාළ කාර්යන් සිදු කිරීම සඳහා බලපෑමට ලක්වූ දිස්ත්රික්කවල දිස්ත්රික් ලේකම්වරුන් වෙත අවශ්ය ප්රතිපාදන මේ වන විටත් යොමු කර ඇති බව පැවසූ ඒ මහතා ඉදිරියේදී පවතින තත්ත්වයන් තුළ අවශ්ය ප්රතිපාදන මුදා හැරීමටද බලාපොරොත්තු වන බව පැවසීය.
කෙසේ වෙතත් සියලු සම්බන්ධීකරණ කටයුතු දිස්ත්රික් ලේකම්වරුන් හරහා සිදුවන බැවින් පානීය ජලය සම්බන්ධව යම් අයෙකුට ගැටලුවක් පවතින්නේ නම් අදාළ ප්රදේශය භාර ග්රාම නිලදාරීවරයා දැනුවත් කිරීමට පියවර ගන්නා ලෙසත් ඒ මහතා සඳහන් කළේය.
ඒ අනුව අදාළ ප්රාදේශීය ලේකම්වරයා දැනුවත් කරන ලෙසත් මෙමගින් අවශ්ය සම්බන්ධීකරණය සිදු කිරීමට හැකියාව ලැබෙන බවත් ඒ මහතා වැඩිදුරටත් අදහස් දක්වමින් පැවසීය.
