හිටපු යුද හමුදාපති සරත් ෆොන්සේකා මහතා වෙත කොන්දේසි විරහිතව ඉක්මනින් නිදහස ලබාදෙන බවට ජනාධිපති මහින්ද රාජපක්ෂ මහතා පොරොන්දු වූ බව ෆොන්සේකා මහතාගේ බිරිඳ වන අනෝමා ෆොන්සේකා මහත්මිය පවසයි.
ඊයේ(16) රාත්රියේ තමන් ජනාධිපතිවරයා හමුවූ බවත්, සරත් ෆොන්සේකා මහතා වෙත හැකි ඉක්මනින් නිදහස ලබාදෙන බවට ඔහු එහිදී සහතික වූ බවත් ෆොන්සේකා මහත්මිය සඳහන් කළ බව ඒ.එෆ්.පී පුවත් සේවය වාර්තා කරයි.
මේ සම්බන්ධව ජනාධිපති කාර්යාලය අදහස් දැක්වීමක් සිදුකර නොමැති බව ද එම පුවත් සේවය සඳහන් කරයි.
කෙසේවෙතත් දින කිහිපයක් ඇතුළත සරත් ෆොන්සේකා මහතාට කොන්දේසි විරහිතව නිදහස ලබාදෙන බවට ඊයේ(16) නිල වශයෙන් තහවුරු කර තිබූ බව ද ඒ.එෆ්.පී වාර්තා කරයි.
සරත් ෆොන්සේකා මහතා නිදහස් කිරීම පිළිබඳව සාකච්ඡා කිරීම සඳහා ඊයේ(16) ප්රජාතන්ත්රවාදී ජාතික සන්ධාන පාර්ලිමේන්තු මන්ත්රී ටිරාන් අලස් මහතා ද ජනාධිපති මහින්ද රාජපක්ෂ මහතා හමුවිය.
