අද පෙරවරුවේදී ප්රජාතාන්ත්රවාදී ජාතික සන්ධානයේ පාර්ලිමේන්තු මන්ත්රී ටිරාන් අලස් මහතා ජනාධිපති මහින්ද රාජපක්ෂ මහතා අතර හමුවක් අරලියගහ මන්දිරයේදී සිදුවී ඇති අතර එහිදී ෆොන්සේකා නිදහස්කිරීමට අදාළව බොහෝ දේ සාකච්ඡා කෙරුණු බව සඳහන් වේ.
හිටපු යුද හමුදාපති සරත් ෆොන්සේකා මහතා නිදහස් කිරීම කෙරෙහි ජනාධිපති මහින්ද රාජපක්ෂ මහතාගේ අවධානය යොමුව ඇති බව තමන් දැන සිටි වගද හින්දුපුවත්පතේ නියෝජ්ය කර්තෘ ආර්.කේ රාධා ක්රිෂ්ණන් මහතා ඊයේ අද දෙරණට කියා සිටියේය. ඒ පිළිබඳ ශ්රී ලංකා ජනාධිපතිවරයාගෙන් විමසා බැලීමට තමන්ට සිත්වූයේ ඒ නිසා යයිද හෙතෙම කියා සිටියේය.
බන්ධනාගාර ගතකර සිටින සරත් ෆොන්සේකා මහතාට කඩිනමින් නිදහස ලබාදෙන බව ජනාධිපති මහින්ද රාජපක්ෂ මහතා පැවසු බවද හින්දුපුවත්පත අද මුල්වරට නිල වශයෙන් අනාවරණය කිරීමෙන් පසු අද දෙරණ හා එක්වෙමින් රාධා ක්රිෂ්ණන් මහතා මේ බව කියා සිටියේය.
පෙරේදා(14) පැවැති ගෝඨාස් වෝර්කෘතිය එළිදැක්වීමේ අවස්ථාවේ පැවැත්වූ කෙටි පිළිසඳරකදී ජනාධිපතිවරයා තමන් සමග එය පැවසූ බව ද හින්දුපුවත්පතේ නියෝජ්ය කර්තෘවරයා සහ මෙරට නියෝජිතයා සිහිපත් කළේය.
එහිදීප්රශ්නයක් නෑ.මං ටිරාන් අලස් එනකල් ඉන්නේ..ඔහු ආවම කතා කරලා මම නිදහස් කරනවායයි ජනාධිපතිවරයා කියා සිටි වගත්,එහිදී තමන් එක වර පුදුමයට පත් වූ බවත් රාධා ක්රිෂ්ණන් මහතා වැඩිදුරටත් කියා සිටියේය.
2010 වසරේ පෙබරවාරි මස 09 වැනිදා යුද හමුදා පොලිසිය මගින් අත්අඩංගුවට ගැනීමෙන් පසු ෆොන්සේකා මහතාට චෝදනා කිහිපයකට යුද අධිකරණයෙන් සහ මහාධිකරණයෙන් වරදකරු කොට සිරදඬුවම් නියම කෙරුණි.
ඔහුට නිදහස ලබා ගැනීම සඳහා පාර්ලිමේන්තු මන්තී්ර ටිරාන් අලස් මහතා ජනාධිපතිවරයා සමග සාකච්ඡා පවත්වන බව අද දෙරණ පසුගිය වසරේ දෙසැම්බර් මස 18 වැනි දින මුල් වරට අනාවරණය කරන ලදී. එම සාකච්ඡාවල ප්රතිඵලයක් ලෙස ෆොන්සේකා මහතාව නිදහස් කරන බව ජනාධිපති මහින්ද රාජපක්ෂ මහතා ප්රකාශ කර තිබීම විශේෂත්වයකි.
කෙසේවෙතත් පසුගිය දින කිහිපයේ විදේශගතව සිටි ටිරාන් අලස් මහතා ඊයේ පස්වරුවේ යළි දිවයිනට පැමිණි අතර අද පෙරවරුවේ ජනාධිපතිවරයා සමග මෙසේ සාකච්ඡාවට එක්වී තිබුණි.
