අකුණු සැර වැදී කාන්තාවක් ජීවිතක්ෂයට

බදුල්ල, ඇටම්පිටිය පොලිස් වසමේ කිංග්රෝස් නෙලුව වතුයායේ පදිංචිව සිටි කාන්තාවක් අකුණු සැර වැදී ජීවිතක්ෂයට පත්ව තිබේ.

මෙලෙස ජීවිතක්ෂයට පත්ව ඇත්තේ අවුරුදු 47ක් වූ කාන්තාවකි.

ඇය වෘත්තියෙන් තේ දළු නෙලන කාන්තාවක් බව පොලීසිය පැවසීය.

එමෙන්ම සිද්ධියෙන් තවත් පුද්ගලයින් 5 දෙනෙකු තුවාල ලබා රෝහල් ගත කර ඇත.

අද (28) සවස් කාලයේ පැවැති අධික වර්ෂාවත් සමගින් මෙම කාන්තාව ඇතුළු පිරිසක් විසින් වැස්සෙන් ආවරණය වීම සඳහා තේ දළු කිරන ස්ථානයකට ගොස් ඇති අතර එහිදි මෙම අකුණු සැර වැදීම සිදුව ඇති බව පොලීසිය පවසයි.