ගම්පහ ඔස්මන් ඝාතනයට තැත් කිරීමේ සිද්ධියට තවත් දෙදෙනෙක් අල්ලයි

ව්‍යාපාරිකයෙකු වූ ගම්පහ ඔස්මන් ගුණසේකර ඇතුළු පිරිසක් ඝාතනය කිරීමට සැලසුම් කළ බව කියන සිද්ධිය සම්බන්ධව තවත් පුද්ගලයින් දෙදෙනෙකු විශේෂ කාර්ය බලකාය විසින් අත්අඩංගුවට ගෙන තිබේ.

ඒ අනුව මේ දක්වා අත්අඩංගුවට ගත් පිරිස 09ක් දක්වා ඉහළ ගොස් තිබේ.

සිද්ධිය සම්බන්ධව ඊයේ දිනයේදී T -56 ගිනි අවි දෙකක් සමග සැකකරුවන් දෙදෙනෙකු ගම්පහදී විශේෂ කාර්ය බළකායේ නිලධාරීන් පිරිසක් විසින් අත්අඩංගුවට ගත් අතර ඔවුන්ගෙන් සිදුකරන ලද ප්‍රශ්න කිරීම් හමුවේ තවත් සැකකරුවන් දෙදෙනෙකු අත්අඩංගුවට ගැනුණි.

ඒ අනුව අදාළ සැකකරුවන් 07 දෙනා සම්බන්ධව රැඳවුම් නියෝග ලබා ඉදිරි විමර්ශන කටයුතු සිදු කිරීමට නියමිත බව පොලීසිය පැවසීය.