උතුරුමැද සියලු පාසල් හෙට වැසෙයි

උතුරුමැද පළාතේ සියලු පාසල් ද හෙට (20) දින වසාතැබෙන බව පළාත් අධ්‍යාපන අධ්‍යක්ෂ එස්.එම්.ඩබ්ලිව් සමරකෝන් මහතා පවසයි.

පවතින අයහපත් කාලගුණ තත්ත්වය මත ආණ්ඩුකාරවරයාගේ උපදෙස් පරිදි මෙම තීරණය ගත් බව පළාත් අධ්‍යාපන අධ්‍යක්ෂවරයා දැනුම් දී ඇත.

එමෙන්ම 3,4 සහ 5 ශ්‍රේණි සඳහා 2024 අවසාන වාර විභාගයේ හෙට සහ අනිද්දා (21) යන දිනවලට නියමිතව ඇති විභාග තාවකාලිකව කල්දමන බව ද දැනුම් දී තිබේ.