තැන තැන සිදුකළ මත්ද්‍රව්‍ය වැටලීම්
January 12, 2025 10:57 am
ප්‍රදේශ කිහිපයක පොලීසිය සිදුකළ විශේෂ වැටලීම්වලින් මත්ද්‍රව්‍ය හා මත්පැන් සමඟ සැකකරුවන් 20ක්, සැකකාරියන් 02ක් සහ වරෙන්තුකරුවන් 02ක් අත්අඩංගුවට ගෙන තිබේ.
ඊයේ (11) එම වැටලීම් සිදුකර තිබු‍ණේ අහුංගල්ල, පානදුර සහ රඹුක්කන යන පොලිස් වසම්වලදීය .
එම වැටලීම් සඳහා පොලිස් නිලධාරීන්, පොලිස් විශේෂ කාර්ය බළකා නිලධාරීන් සහ යුද හමුදා නිලධාරීන්ගේ ද සහාය ලබාගත් බව පොලීසිය පැවසීය.
අදාළ වැටලීම්වලින් අයිස් මත්ද්‍රව්‍ය ග්‍රෑම් 83යි මිලිග්‍රෑම් 710 ක්, හෙරොයින් ග්‍රෑම් 15යි මිලිග්‍රෑම් 950ක් පොලීසිය විසින් සොයාගෙන ඇත.
ඊට අමතරව ගංජා ග්‍රෑම් 525ක්, නීතිවිරෝධී මත්පැන් ලීටර් 36යි මිලි ලිටර් 750ක් සහ ගෝඩා ලීටර් 1066.5ක් සොයාගත් බව පොලීසිය පැවසීය.
