අම්පාරේදී සැඩ පහරට හසුව අතුරුදන් වූ තවත් සිසුවෙකුගේ මළ සිරුරක් සොයා ගැනේ

අම්පාර කාර්තිව් ප්‍රදේශයේ ට්‍රැක්ටර් රථයක් සැඩපහරට හසුව පෙරළීයාම හේතුවෙන් දියේ ගිලී අතුරුදන්වු තවත් පාසල් සිසුවෙකුගේ මළ සිරුරක්  සොයාගෙන තිබේ.

පොලිසිය පැවසුවේ නාවික හමුදාව, පොලිසිය සහ ප්‍රදේශවාසීන් එක්ව සිදුකළ සෝදිසි මෙහෙයුමක දී අද (30) උදෑසන එම සිසුවාගේ මළ සිරුර සොයාගත් බවය.

පසුගිය 26වනදා පස්වරුවේ නින්දවුර් ප්‍රදේශයේ සිට සමන්තුරෙයි ප්‍රදේශයට ධාවනය වූ ට්‍රැක්ටර් රථයක් පැවති ජල ගැලීම් තත්වය හමුවේ සැඩපහරට හසුව පෙරළී යාමෙන් එහි ගමන් කළ පාසල් සිසුන් 14 දෙනෙකු දියේ ගිලී අනතුරට ලක්ව තිබු අතර ඉන් සිසුන් 08 දෙනෙකු මුදා ගැනීමට හැකි තිබුණි.

සිසුන් 05 දෙනෙකුගේ මළ සිරුරු මීට පෙර සොයාගෙන තිබු අතර ට්‍රැක්ටර් රථ රියදුරු සහ එහි ගමන් කළ තවත් පුද්ගලයෙකුගේ මළ සිරුරක් ද පසුගිය දා සොයාගත් ගැනුණි. 

ඒ අනුව අදාල සිද්ධියෙන් මියගිය පාසල් සිසුන් ඇතුළු 08 දෙනෙකුගේ මළ සිරුරු මේ වන විට සොයාගෙන තිබේ.