කාසියේ වාසිය බ.ඉ. කොදෙව්වන්ට

ශ්‍රී ලංකාව හා සංචාරක බ.ඉ. කොදෙව් කණ්ඩායම අතර දඹුල්ලේ පැවැත්වෙන අවසන් විස්සයි20 තරගයේ කාසියේ වාසිය දිනූ බ.ඉ. කොදෙව් කණ්ඩායම පළමුව පන්දුවට පහරදීමට තීරණය කළේය.

තරග තුනකින් යුත් මෙම තරගාවලියේ පළමු තරග දෙක තරග 1-1ක් ලෙස ජයගෙන කණ්ඩායම් දෙකම මේ වනවිට සම තත්ත්වයේ රැඳී සිටියි.

අද (17) තරගයට ක්‍රීඩාකරන ශ්‍රී ලංකා කණ්ඩායමේ කිසිදු වෙනසක් සිදුකර නොමැති අතර, දෙවැනි තරගයට ක්‍රීඩාකළ කණ්ඩායම ක්‍රීඩා කරයි.

කෙසේ නමුත් බ.ඉ. කොදෙව් කණ්ඩායමේ එක් වෙනස්කමක් සිදුකර ඇත. පෙර තරගය ක්‍රීඩාකළ අන්ඩ්‍රි ෆ්ලෙචර් වෙනුවට ෆෙබියන් ඇලන් කැඳවා තිබේ.