මොසැම්බික් හි බිහිසුණු අනතුරක් 

මොසැම්බික් රාජ්‍යයේ මගී ප්‍රවාහන යාත්‍රාවක් අනතුරට ලක්වීමෙන් මියගිය ගණන 94 දෙනෙක් දක්වා ඉහළගොස් ඇති බව ජාත්‍යන්තර මාධ්‍ය පවසයි.

අනතුරට ලක්ව තිබුණේ නම්පූලා ප්‍රාන්තයේ පැතිර යන කොලරා වසංගතයෙන් දිවි ගලවාගැනීම සඳහා ඒ ආසන්නයේ පිහිටි මොසැම්බික් දූපත බලා ගමන්කළ පිරිසකි.

අනතුරට ලක්වන විට ඒ තුළ 130 දෙනෙක් සිට ඇති අතර ඉන් පස් දෙනෙක් දිවි ගලවාගැනීමට සමත්වී තිබුණි.

අතුරුදන් සෙසු පිරිස සොයා මෙහෙයුම් ක්‍රියාත්මකයි.