සිම්බාබ්වේ සහ ශ්‍රී ලංකාව අතර ක්‍රිකට් ගැටුම මැද උණුසුම් තත්ත්වයක්
January 15, 2024 05:54 pm
සිම්බාබ්වේ සහ ශ්‍රී ලංකාව අතර ඊයේ කොළඹ ආර් ප්‍රේමදාස ක්‍රීඩාංගණයේ පැවති පළමු ක්‍රිකට් තරගය අතරතුරදී ඇතිවූ උණුසුම් තත්ත්වයක් කැමරාවේ පටිගතව තිබේ.
තරගය නැරඹීම සඳහා මුදල් ගෙවා පැමිණි බව පැවසූ ශ්‍රී ලංකා ක්‍රීඩාලෝලීන් පිරිසක් තරගය අතරතුරදී ආර් ප්‍රේමදාස ක්‍රීඩාංගණ පරිශ්‍රයෙන් පිටතට ගමන්කිරීමට උත්සාහ කර ඇති අතර එහි සිටි ආරක්ෂකයින් එයට අවසර ලබානොදීමත් සමග මෙම උණුසුම් තත්ත්වය ඇතිවී තිබේ.
එහිදී ශ්‍රී ලංකා ක්‍රීඩාලෝලීන් පැවසුවේ තමන්ට අවශ්‍ය ආහාර ලබාගැනීම සඳහා ATM යන්ත්‍රයෙන් මුදල් ලබාගැනීමට ක්‍රීඩාංගණයෙන් පිටතට යාමට ආරක්ෂකයින් ඉඩ ලබානොදුන් බවය.
එසේම ඊයේ තරග පැවැත්වීමේදී ක්‍රීඩාලෝලීන්ට අවශ්‍ය පහසුකම් සැපයීම සඳහා නිසි ක්‍රමවේදයක් නොතිබීම හේතුවෙන් තමන් මහත් අපහසුතාවයට පත්ව සිටින බවටත් ඔවුන් එහිදී චෝදනා කළේය.
