ගමන් කරමින් තිබූ බස් රථයක් මතට අත්තක් කඩා වැටේ

අද (15) සවස ගලේවෙල - කැකිරාව ප්‍රධාන මාර්ගයේ කලාවැවේ වාන් දොරටුවෙන් ජලය ගලා බසින ප්‍රධාන පාලම ඉවුරේ තිබූ ගසක අත්තක් බස් රථයක් මතට කඩා වැටී තිබේ.

ගමන් කරමින් තිබූ එම බසයට කඩා වැටුණු අත්ත හේතුවෙන් පැයක පමණ කාලයක් මාර්ගය අවහිර වී තිබූ බව අප වාර්තාකරු පැවසීය.

ප්‍රදේශවාසීන් එක්ව අත්ත කපා දමා ඇති අතර, සිදුවු අනතුරින් කිසිවෙකුටත් බරපතළ තුවාල නොමැති බව අප වාර්තාකරු කියාසිටියේය.

මේ අතර, කලා වැවේ වාන් දොරටු නැරඹීම සඳහා පැමිණෙන ජනතාව හේතුවෙන් එම ප්‍රදේශයේ දැඩි රථවාහන තදබදයක් පවතින බව ද වාර්තා වේ.