තද වැසි පිළිබඳ අවවාදාත්මක නිවේදනයක්
November 28, 2023 03:13 pm
තද වැසි පිළිබඳ අවවාදාත්මක නිවේදනයක් කාලගුණවිද්‍යා දෙපාර්තමේන්තුවෙන් නිකුත් කර තිබේ.
ඒ අනුව දකුණ, සබරගමුව, මධ්‍යම සහ ඌව පළාත් සහ කළුතර දිස්ත්‍රික්කය සඳහා එම නිවේදනය බලපැවැත්වේ.
ගිනිකොණදිග බෙංගාල බොක්ක මුහුදු ප්‍රදේශයේ පවතින කැලඹිලි ස්වභාවය හේතුවෙන් දිවයිනේ වැසි තත්ත්වය වර්ධනය වීමක් ඒ අනුව බලාපොරොත්තු විය හැකි බවද කාලගුණවිද්‍යා දෙපාර්තමේන්තුව නිවේදනය කරයි.
මේ අතර දකුණු, සබරගමුව, මධ්‍යම සහ ඌව පළාත්වලත් කළුතර දිස්ත්‍රික්කයෙත් ඇතැම් ස්ථානවලට මි.මී 100ට වැඩි තද වැසි ඇති වේ.
